Ысык-Көлдө жээктен 100 метр аралыкта мыйзамсыз курулган "Алтын-Жээк" кафеси буздурулууда. Бул тууралуу бүгүн, 5-июнда Мамлекеттик курулуштан билдиришти.
Маалымдалгандай, Ысык-Көл региондук мамлекеттик архитектура-курулуш контролдоо башкармалыгы демонтаждоого билдирүү берген.
Ага ылайык, берилген билдирүүнү өз мөөнөтүндө аткарбагандыктан, Тамчы айылындагы көл жээгинен 100 метрлик аралыктагы курулган "Алтын-Жээк" кафеси башкармалык тарабынан демонтаждалууда.