Чехияда эки поезд кагылышып, төрт адам көз жумду

Чехияда эки поезд кагылышып, анын кесепетинен төрт адам көз жумду. Чет элдик басылмалар жазып жаткандай, кырсыктан 27 адам ар кандай оордуктагы жаракат алышкан.

Окуя кечээ, 5-июндун түнү саат 23:00дөн кийин Чехиянын Пардубице шаарында болгон. Анда жүк ташыган поезд менен жүргүнчү ташыган поезд кагылышкан.

"Жаракат алгандардын арасында балдар дагы бар. Алар Пардубице, Градец Кралове жана Хрудим шаарларындагы ооруканаларга жеткирилди. Жеңил жаракат алгандар бүгүн амбулатордук дарыланууга жөнөтүлөт", - деп жазылат маалыматта.

Экспресс поездде 300гө чукул жүргүнчү болгон. Чех полициясы аталган факты боюнча "шалаакылыктын" негизинде кылмыш ишин козгоду.