Майлуу-Сууда нефть куюучу жайдан өрт чыкты

Бүгүн, 6-майда Майлуу-Суу шаарына караштуу Көк-Таш айыл аймагынын Катыраңкы тилкесинде "Кыргызнефтегаз" ААКнын нефть куюучу цистернасынан өрт чыкты. Бул тууралуу ӨКМден билдиришти.

Маалымдалгандай, өрттү өчүрүүгө Майлуу-Суу шаардык №83 ӨККБыдан 1 күжүрмөн эсеп, "Кыргызнефтегаз" ААКнан бир бөлүм, жалпы 2 бөлүм тартылып, саат 16:30 чамасында чектөөгө алынган тилсиз жоо саат 16:35те толугу менен өчүрүлгөн.

Ага ылайык, учурда өрттүн чыгуу себептери жана келтирилген материалдык чыгымдар такталууда.

Алдын ала маалыматтарга караганда жабыркагандар жок.

Автор: Максуда Кудайбердиева.