Өзбекстанда июль айында кыргыздын маданият күндөрү өтөт

Маданият министринин биринчи орун басары Тимурлан Ажымалиев кыргыздын Өзбекстандагы элчиси Муса Жаманбаев менен жолугушту. Маалыматты ведомстводон билдиришти.

Жолугушууда Өзбекстанда июль айында Кыргызстандын маданият күндөрүн өткөрүү боюнча сүйлөшүүлөр жүргүзүлдү.

"Маданият күндөрүнүн программалары, Кыргызстан тараптан сунушталган маданий иш-чаралардын жана өтүүчү локациялардын долбоору жана Өзбекстандын бир катар шаарларында жана аймактарында жогорку деңгээлде өткөрүү маселелери талкууланды", - деп жазды министрлик маалыматында.

Автор: Айжанар Рыспек кызы
Фото: Маданият министрлиги