Кыргызстандык окуучу информатика боюнча XVIII Азия-Тынч океан олимпиадасынан күмүш медаль жеңип алды. Бул тууралуу бүгүн, 7-июнда Билим берүү жана илим министрлиги кабарлады.
Маалыматка ылайык, байгени Ян Бобрус Газпром Кыргызстан мектебинин 8-классынын окуучусу жеңди.
"18-20-май күндөрү Кытайда өткөн олимпиадага Азия-Тынч океан аймагындагы 35 өлкөдөн 286 окуучу катышты. Анда өлкөнүн атынан 7 окуучудан турган команда онлайн видео көзөмөл форматында катышкан", - деп айтылат маалыматта.
Ошондой эле министрлик Ян Бобрусту олимпиадага мугалим Медербек Осмонов даярдаганын кошумчалады.