Кыргызстанга мыйзамсыз киргени жаткан Porsche Panamera унаасы токтотулду

Түштүк-батыш бажысынын контрабандага жана бажы эрежелерин бузууга каршы күрөшүү бөлүмүнүн кызматкерлери Porsche Panamera үлгүсүндөгү унааны мыйзамсыз алып келүү аракетин аныкташты. Бул тууралуу Бажы кызматы маалымдады.

"Достук" алдын ала бажылык жол-жоболоштуруу жайынын аймагында жасалма документтер менен өтүүгө аракет кылган учурда Казакстандын жараны М.Инин башкаруусундагы Porsche Panamera үлгүсүндөгү унаа токтотулуп, текшерүүгө алынган. Мамлекеттик бюджетке келтирилген зыяндын суммасы 1 миллион 255 миң сомду түздү", - деп билдиришти Бажы кызматынан.

Факт каттоого алынып, чогултулган материалдар юридикалык баа берүү жана караштуулугу боюнча өткөрүп берүү үчүн Ош облусунун прокуратурасына өткөрүлүп берилди.

Автор: Азат Бейшенбеков