Дүйнөдөгү эң күчтүү адам бир эле учурда эки бир тууган блогерди нокаутка учуратты (видео)

"Дүйнөдөгү эң күчтүү адам" наамын жеңген Эдди Холл бир эле учурда ММА эрежеси боюнча эки мушкер менен беттешип, экөөнү тең нокаутка учуратты.

Англиялык күчтүү адамдын каршылаштары тиктокерлер Жамил жана Жемел Неффати болгон. Алар 7-июнда Англияда өткөн "World Freak Fight League" турниринин алкагында беттешишкен.

Тиктокерлердин учурда 19 миллиондон ашык катталуучусу бар. Холл 2017-жылы "Дүйнөнүн эң күчтүү адамы" сынагын жеңип алган. Андан кийин ал пауэрлифтинг боюнча чемпион Хафтор Бьёрнссон менен бокс боюнча беттешип, калыстардын чечими менен исланиялык спортчуга утулуп калган.

Холл азыр мезгил-мезгили менен оор салмактагы UFC чемпиону Том Аспиналл менен машыгып турат.