Жалал-Абаддын Сузак районунун Кара-Алма айылында жайгашкан "Алтын балалык" лагерине 4 жаңы коттедж курулууда. Бул тууралуу Жалал-Абад мэриясынан билдиришти.
Маалымдалгандай, коттедждерди куруу иштерине жергиликтүү бюджеттен 7 миллион сом акча каражаты бөлүнгөн.
Белгилей кетсек, аталган лагерь Жалал-Абад мэриясынын балансында жана жалпы 120 орунга ылайыкташкан. Ага жыл сайын шаардагы аз камсыз болгон, ата-энесинен ажыраган жана майыптыгы бар балдар акысыз эс алууга жиберилет.