БУУ 2023-жылы Газада канча бала өлгөнүн расмий жарыялады

Бириккен Улуттар Уюму былтыр, 2023-жылы Газа тилкесинде 2100дөн ашуун бала каза болгонун тастыктады. Мындай маалымат БУУнун баш катчысы Антониу Гутерриштин балдар жана куралдуу кагылышуулар боюнча баяндамасында айтылды.

Отчёт 2023-жылдын 1-январынан баштап бир эле календардык жылдын ичинде болгон окуяларды камтыйт.

"БУУ 2267 палестиналык баланын (1259 эркек, 1008 кыз) өлтүрүлгөнүн тастыктады, алардын 2141и Газа тилкесинде өлтүрүлгөн", - деп айтылат маалыматта.

Балдардын өлүмү үчүн чыр-чатакка катышкан тараптардын жоопкерчилигин белгилей кетүү өзгөчө маанилүү. Документтин текстине ылайык, БУУ 206 баланын өлүмү үчүн Израилдин Коргоо күчтөрүнүн жоопкерчилигин белгилеген.

Автор: Азат Бейшенбеков