Никол Пашинян Армения ЖККУнун курамынан чыгарын билдирди

Армения Жамааттык коопсуздук келишим уюмунан чыгат. Бул тууралуу кечээ, 12-июнда премьер-министр Никол Пашинян Армениянын Улуттук ассамблеясында (парламент) өкмөттүк саатта билдирди.

Анын айтымында, Ереван азыр чыныгы Армения жолунда. Эгемендүү, тынч, чек арасы аныкталган мамлекет жолунда.

"Чыгабыз. Качан чыгарыбыз да чечилет. Силердин оюңар боюнча, кийинки кадам кандай болушу керек? Артка кайтуубу? Жок, башка жол жок, биз артка кайтпайбыз”, - деди Армениянын премьер-министри

Ал парламентте сүйлөгөн сөзүндө өлкөнүн мурдагы бийлигин ЖККУга кошулганы үчүн айыптады. "Көбүрөөк альянсты түзгөндөр күнөөлүү, алардын мүчөлөрү келишимдик милдеттенмелерин аткарып, бирок Азербайжан менен бирге бизге каршы согушту пландаштырып жатышат", - деди Пашинян.

Ошондой эле премьер-министрдин айтымында, Азербайжан Карабак маселесин аскерий жол менен чече албайт, Армениянын бар болушу коркунуч алдында турат.

Маалымат үчүн: КМШнын жамааттык коопсуздук системасын түзүү зарылдыгы келип чыккан. Бул эң маанилүү маселе КМШнын алты мамлекетинин - Армениянын, Казакстандын, Кыргызстандын, Орусиянын, Тажикстандын жана Өзбекстандын башчылары 1992-жылы 15-мартта ЖККУга кол коюшкандыгынын аркасында чечилген. Ага ылайык кол койгон тараптар өздөрүнүн ортосундагы жана башка мамлекеттер менен пикир келишпестиктерин жалаң тынчтык жолу менен чечүүгө милдеттенишкен.

Автор: Максуда Кудайбердиева.