"Евро-2024": Германиянын полициясы аларга кол салмакчы болгон кишиге ок чыгарды

Германиянын полициясы "Евро-2024" футбол күйөрмандарынын парадында Гамбургдун борборунда аларды Молотов коктейли менен коркуткан адамга ок чыгарган. Бул тууралуу Германиянын Ички иштер министрлиги билдирди.

Кол салган адам бутунан жарадар болгон. Ага медициналык жардам көрсөтүлгөн жана анын абалы өмүрүнө коркунуч туудурбайт деп билдирди полициянын өкүлү.

"Ал Молотов коктейлин күйгүзүүгө аракет кылып, андан соң бир нече адамга, анын ичинде милиция кызматкерлерине жакындаган. Ал эми полиция ок атуучу куралдарды колдонууга аргасыз болду", - деди Гамбург полициясынын өкүлү Сандра Лефгрюн.

Лефгрюндун айтымында, ал кишинин футбол турнирине катыштыгы боюнча азырынча эч кандай далил жок жана анын кол салуу себеби белгисиз.

Окуя "Фолькспаркштадион" стадионунда Польша менен Голландия беттешинин алдында болгон.

Автор: Бек Оморбеков