"Евро-2024": Мурду сынган Килиан Мбаппе күйөрмандарына тамашалуу кайрылуу жасады

Футбол боюнча Европа чемпиондугунун алгачкы беттешинде мурдун сындырып алган атактуу футболчу Килиан Мбаппе күйөрмандарына кайрылуу жасады.

"Бет кап кийүү тууралуу кандайдыр бир идеялар барбы?" - деп жазды социалдык тармактагы баракчасына Мбаппе.

Кечээ, 17-июнда Франция Австрия курамасы менен кез келип, 1:0 эсебинде жеңишке жеткен. Оюн учурунда Килиан Мбаппе австриялык коргоочу менен кагышып, мурду канжалаган бойдон талааны таштап кеткен. Кийинчерээк ал ооруканага жеткирилип, анын мурду сынганы белгилүү болгон.

Автор: Азат Бейшенбеков