Евро-2024: Испания финалда Англияны утуп, төртүнчү ирет Европа чемпиону болду

Бүгүн, 15-июлга караган түнү Германияда футбол боюнча Европа чемпиондугунун финалдык оюну болуп өттү.

Финалда Англия курамасы менен фавориттерди жеңип, финалга чейин жеткен Испания кез келип, испаниялыктар 2:1 эсебинде жеңишке жетишти.

Эки команда биринчи бөлүктө эсеп санын ача алышкан жок. Экинчи бөлүк башталары менен испантиялык чабуулчу Иньяки Ульямс эсеп санын ачса, көп өтпөй англиялыктар эсеп санын теңеди.

87-мүнөттө алмашууга чыккан Микель Оярсабаль эсеп санын 2:1ге айлантып, оюнга чекитти койду.

Муну менен Испания курамасы тарыхта төртүнчү ирет футбол боюнча Европа чемпиону болду.

Ал эми Англиянын муну менен экинчи жолу катары менен финалга чыгышы. 2020-жылы англиялыктар финалда Италияга утулуп калган.

Автор: Азат Бейшенбеков