Израил парламенти Палестина мамлекетин түзүүгө каршы резолюция кабыл алды

Израилдин парламенти көпчүлүк добуш менен Палестина мамлекетин түзүүнү четке каккан резолюцияны кабыл алды. Бул туралуу Times of Israel гезити жазды.

Анда документти парламенттин 68 мүчөсү колдоп добуш берсе, 9 депутат каршы болгон.

"Израил парламенти Палестина мамлекетин түзүүгө чечкиндүү каршы. Израил жеринин чок ортосуна ал мамлекеттин түптөлүшү биздин өлкөнүн жана анын жарандарынын жашоосуна коркунуч туудурат", - деп жазылган резолюцияда.

Эске салсак, Армения, Словения ,Норвегия, Испания жана Ирландия өлкөлөрү Палестинаны көз карандысыз мамлекет катары тааныган.