Камакка алынган казак ырчысы Кайрат Нуртас эркиндикке чыкты

Майда бейбаштык үчүн 15 суткага камакка алынган казак ырчысы Кайрат Нуртас камактан бошотулду. Бул тууралуу казакстандык телеграм каналдар жазып чыгышты.

Аны абактан чыгып келе жатканда ата-энеси, достору, жада калса күйөрмандары тосуп алышкан.

"Тынчсыздангандардын баарына рахмат, мен жакшымын" деген Кайрат Нуртас.

Эске салсак, буга чейин белгилүү казак ырчысы Кайрат Нуртас дагы бир чыр-чатакка тиешеси бар болуп, кылмыш ишинде айыпталуучу катары сотко өткөнү белгилүү болгон. Тактап айтканда, ырчы учакта мушташкан. Бул үчүн сот аны күнөөлүү деп таап, 15 суткага камакка алган.

Автор: Азат Бейшенбеков