ЖОЖдорго кабыл алуунун 3-туру башталды

Бүгүн, 29-июлда Кыргызстандын жогорку окуу жайларына абитуриенттерди тандоонун 3-туруна арыздарды кабыл алуу башталды. Бул тууралуу Билим берүү жана илим министрлигинен кабарлады.

Ага ылайык, арыздарды кабыл алуу 31-июль күнү саат 14:00гө чейин жүргүзүлөт.

"ЖОЖдорго кабыл алуунун I жана II турунда жалпы 44 миң 438 талон катталып, анын ичинен бюджеттик негизде окууга – 16 миң 402, контрактык негизде окууга – 28 миң 36 талон түштү. II турдун жыйынтыгы менен ЖОЖдорго 20 миң 342 абитурент кабыл алынды", - деп жазылат анда.

Ушул тапта эң көп абитуриент кабыл алынган ЖОЖдор:

1. Жусуп Баласагын атындагы Кыргыз улуттук университети – 3552;

2. Ош мамлекеттик университети – 2951;

3. Исхак Раззаков атындагы Кыргыз мамлекеттик техникалык университети – 2565;

4. Ишеналы Арабаев атындагы Кыргыз мамлекеттик университети – 1502;

5. Борис Ельцин атындагы Кыргыз-Орус Славян университети – 1470;

6. Кусейин Карасаев атындагы Бишкек мамлекеттик университети – 1380;

7. Иса Ахунбаев атындагы Кыргыз мамлекеттик медициналык академиясы – 836.

2024-2025-окуу жылына карата жогорку окуу жайларына тандоо “Абитуриент онлайн” автоматташтырылган маалыматтык системасы аркылуу жүргүзүлөт.

Автор: Каныкей Амантаева
Фото: Каныкей Амантаева