Кара-Балтада Ауди С4 унаасы менен тепловоз сүзүштү

Чүй облусунун Кара-Балта шаарында темир жол өтмөгүндө жеңил унаа менен тепловоз кагышты. Бул тууралуу SUPER.KG порталына облустук милициядан билдиришти.

Маалыматка ылайык, жол кырсыгы 29-июлга караган түнү болжол менен саат 3:00дө болгон.

"1987-жылы туулган С.М. Ауди-С4 үлгүсүндөгү унааны айдап бара жатып Бишкекти көздөй бара жаткан тепловоз менен кагышкан. Ал шлагбаум жабылып турганына карабастан айдап өтүүгө аракет кылган. Тепловозду 1984-жылы туулган З.Т. башкарып бара жаткан", - деп билдиришти милициядан.

Кырсыктын кесепетинен Ауди-С4 унаасынын айдоочусу жана жанындагы жүргүнчү жаракат алып, ооруканага жаткырылган.

Тиешелүү экспертизалар дайындалып, иликтөө иштери жүрүп жаткандыгы айтылды.

Автор: Айпери Бакталбек кызы
Фото: Иллюстрациялык сүрөт