Өзбекстанда даракты кыйган 3 жаран абакка кесилди

Өзбекстанда талаанын четинде өскөн карагайларды кыйып сатып жиберген дыйкан жана анын эки шериги эки жылга эркинен ажыратылды. Мамлекетке келтирилген зыян 1,5 миллиард сумду (120 АКШ доллары) түзгөн. Бул тууралуу өзбек басылмалары жазып чыгышты.

Маалымдалгандай, Сырдарыя районунун экология бөлүмү М.А. шериктери менен 2023-жылдын декабрынан 2024-жылдын январына чейин эгин талаасынын четинде өскөн 21 түп карагайды мыйзамсыз кыйып, сатып жибергендигин аныктаган.

Бул факты боюнча Өзбекстандын Кылмыш-жаза кодексинин “Токойлорду, бак-дарактарды же башка өсүмдүктөрдү мыйзамсыз кыюу, ири зыян келтирүү” беренеси боюнча кылмыш иши козголгон.

Сайхунабад райондук соту кылмышка шектелгендерден келтирилген зыянды өндүрүү чечимин чыгарып, ар бирин 2 жылдан эркинен ажыратты.

Автор: Замира Ниязбекова