Жалал-Абадда сел каналы тазаланды

Жалал-Абад шаардык мэриясынын коммуналдык чарба жана көрктөндүрүү департаменти тарабынан Манас көчөсүндөгү сел каналынын 1 чакырымы тазаланды. Бул тууралуу шаардык мэриядан кабарлады.

"Каналдагы таштандылар шаар көркүн гана бузбастан, жаан-чачында көпүрөлөрдүн астына толуп, мындан улам сел каптоо коркунучу жаралат. Жергиликтүү бийлик шаар тургундарын жана конокторун айлана-чөйрөнү таза сактоого, арыктарга жана каналдарга таштанды таштабоого чакырат", - деп жазылат анда.

Ошондой эле аталган департамент тарабынан сел каналдары жыл сайын тазаланып турары айтылат.

Автор: Каныкей Амантаева