А.Сулайманов: "Республика" фракциясы өкмөт түзүмүнүн альтернативдик долбоорун даярдап жатат"

"Республика" фракциясынын лидери А.Сулайманов мындай маалыматты бүгүн билдирди. Ал: "Премьер-министр Ж.Сатыбалдиев жаңы жылдан кийин өкмөттүн жаңы түзүмүн сунуштайм деп убада берген. Конструктивдүү оппозиция катары «Республика» фракциясы өкмөттүн кыскартылган, жакшыртылган жаңы түзүмүнүн долбоорун альтернатива катары даярдап, өкмөткө сунуштоого ниеттенүүдө. Аны түзүү үчүн бизде жакшы салмактанган укуктук жана экономикалык сунуштарды берчү адистер, бейөкмөт уюмдардын өкүлдөрү менен пикир алышабыз. Анын негизинде пайда болгон структура долбоорун фракция ноябрдагы жыйынында карагандан кийин жалпы коомчулуктун талкуусуна коёт. Коомчулуктун сунуш-пикирлерин билгенден кийин аны өкмөткө сунуш кылабыз",- деп баса белгиледи.

Автор: Базарбек Абдураимов