Түркия ири масштабдагы туткундарды алмашууну уюштурганын маалымдады

Түркиянын Улуттук чалгындоо уюму (MIT) акыркы мезгилдеги эң чоң туткун алмашуу операциясын ийгиликтүү ишке ашырды. Бул тууралуу түрк басылмалары жазды.

Маалыматка караганда, операциянын жүрүшүндө АКШ, Германия, Польша, Словения, Норвегия, Орусия жана Беларустун түрмөлөрүндө жаткан 26 адам алмашылды.

Алмашуу Анкарада MITтин көзөмөлүндө өттү. Түркияга катышуучу өлкөлөрдөн жети учак келди. Алмашуунун натыйжасында туткундардын 10у Орусияга, 13ү Германияга, 3өө АКШга өткөрүлдү.

Алмаштырылгандардын арасында көрүнүктүү фигуралар, анын ичинде:

Эван Гершкович, The Wall Street Journal журналынын журналисти,
Пол Уилан, АКШнын мурдагы деңиз аскери,
Илья Яшин, орусиялык оппозиционер,
Вадим Красиков, ФСБнын кызматкери бар.

MİT сүйлөшүүлөрдү уюштуруудан коопсуздук жана логистиканы камсыздоого чейинки операциянын бардык этаптарында негизги ролду ойноду.

"Бул операция АКШ, Орусия жана Германиянын акыркы жылдардагы эң ири барымта алмашуусу катары тарыхта калды. MİT бул тарыхый операция үчүн диалог каналдарын түзүүнү камсыз кылды", - деп айтылат түрк чалгындоо кызматынын маалыматында.

Автор: Бек Оморбеков