"Батирде жашайт". Ассоль Модокматова Мунарбек Сейитбек уулунун жеке машыктыруучусу тууралуу Садыр Жапаровго кайрылды

Кыргыз Республикасынын Маданиятына эмгек сиңирген ишмер Ассоль Молдокматова жеке үйү жок, үй-бүлөсү менен жатаканада жашап жаткан мушкер Мунарбек Сейитбек уулунун машыктыруучусу Беганас Султанбаевге батир бөлүп берүү өтүнүчү менен Садыр Жапаровго кайрылды.

Ал ошондой эле мушкердин машыктыруучусу Париждеги Олимпиадага барбай калганын туура эмес деп эсептейт.

"Олимп оюндарына баргандардын тизмесинде расмий адамдар эмес, чиновниктердин барганы көңүл чөктүрөт. Тизмени туура эмес түзүү системасын жоюуга таасир этүүнү суранам", - деди Молдокматова өз кайрылуусунда.