Моди Израилди Газадагы кыргынды токтотууга чакырды

Индиянын премьер-министри Нарендра Моди Израилдин премьер-министри Биньямин Нетаньяхуну Газа тилкесинде ок атышууну токтотууга чакырды. Телефон аркылуу сүйлөшүүдө Моди Жакынкы Чыгыштагы кырдаалды басаңдатуу зарылдыгын белгиледи.

"Биз Батыш Азиядагы азыркы кырдаалды талкууладык. "Мен деэскалациянын зарылдыгын баса белгиледим жана ок атышууну токтоосуз токтотууга, бардык барымтадагыларды бошотууга жана гуманитардык жардамды улантууга чакырыгымды кайталадым", - деди Индиянын премьер-министри.

Индияда Жакынкы Чыгыш салттуу түрдө Батыш Азия деп аталат.

Дохада Катар, АКШ жана Египеттин жардамы менен Израил менен ХАМАСтын ортосунда ок атышпоо боюнча сүйлөшүүлөр уланууда. Расмий өкүлдөр Газадагы согушту токтотуу боюнча келишимге жетишүү үчүн келерки аптанын аягына чейин Каирде кайрадан чогулушат деп күтүлүүдө.

Автор: Бек Оморбеков