Баткен-Боз-Адыр унаа жолунун 7 чакырымы асфальтталды

Ош-Баткен-Раззаков унаа жолунун Баткен-Боз-Адыр тилкесинде асфальт төшөө иштери жыйынтыкталды. Бул тууралуу бүгүн, 20-августта Транспорт жана коммуникациялар министрлигинен билдирди.

Ага ылайык, быйылкы жылдын титулдук тизмесинин негизинде 3 чакырым, ал эми капиталдык салымдар беренесинин эсебинен 4 чакырым аралыкка асфальт төшөө каралып, план толугу менен аткарылды.

Жумуштар министрликтин №2 Жол тейлөө ишканасынын кызматкерлери тарабынан жүргүзүлдү.

Автор: Каныкей Амантаева
Фото: Транспорт жана коммуникациялар министрлиги