Украина Курсктагы дагы бир калктуу конушту басып алганын билдирди

Украинанын президенти Владимир Зеленский Сумы облусунун чек ара аймагына барып, ал жерде Украинанын Куралдуу күчтөрүнүн башкы колбашчысы Александр Сырский жана Сумы Аскердик администрациясынын башчысы менен жолугушту. Бул тууралуу чет элдик басылмалар жазды.

Маалыматка караганда, Сырский Орусиянын Курск облусундагы дагы бир калктуу пунктту көзөмөлгө алганын билдирди. Башкы командачы бардык багыттар боюнча, анын ичинде фронттун эң чыңалган участокторундагы оперативдүү кырдаал, Торецкий жана Покровский багыттарында коргонууну чыңдоо боюнча чаралар тууралуу маалымат берди.

Украин тараптын 20-августка карата маалыматы боюнча, Куралдуу күчтөрү Орусиянын Курск облусундагы 1260 чарчы чакырымдан ашык аймакты жана 93 калктуу пунктту көзөмөлдөп турат.

Өз кезегинде Орусиянын Коргоо министрлиги Курск облусунун бир нече калктуу конуштарында Украинанын Куралдуу күчтөрүнүн чабуулдарынын мизин кайтарганын жана чабуул башталгандан бери украин тарап олуттуу жоготууларга учураганын билдирди. Коргоо министрлиги ошондой эле Курск аймагындагы чабуул башталгандан бери украин тарап олуттуу жоготууларга учураганын ырастады: 4700дөн ашык аскер кызматкери, 68 танк, 27 жөө аскер техникасы, 53 БТР, 336 чопкутталган согуштук унаалар жана башка жабдуулар.

Украинанын Курск аймагына чабуулунун башталышы 6-августка туура келет. Кырдаал курч бойдон калууда жана эки тараптын маалыматы кошумча текшерүүнү талап кылат.

Автор: Бек Оморбеков