Бишкекте чоң экрандан фильмдер акысыз көрсөтүлөт (тизме)

Бишкек шаарында эртең, 27-августта акысыз фильм көрсөтүлөт. Ал "Мосфильм" студиясынын 100 жылдыгына жана Россия киносунун күнүнө карата коюлат.

Орусиянын Бишкектеги илим жана маданият борбору кабарлагандай, анда дүйнөлүк кинематографиянын классикасына айланган легендарлуу фильмдерди камтыган программа даярдалган. Бул фестиваль шедеврге айланган кинофильмдерди чоң экрандан көрүүгө жакшы мүмкүнчүлүк экени кошумчаланды.

Аталган иш-чарада эң алгач "Биринчи мугалим" кинотасмасы көрсөтүлөт. Ал эми 28-августта төмөнкү фильмдер коюлат:

13:00 – "Москва слезам не верит" фильми;

16:00 — "Летят журавли" фильми;

19:00 — "Хитровка. Знак четырёх" кинотасмасы көрсөтүлөт.

Дареги: Бишкек шаары, Яков Логвиненко көчөсү 13, Кино үйү.

Автор: Бурул Турусбекова
Фото: Интернеттен алынды