Бишкекте 31-август күнү “Балама жомок” аттуу китеп жарманкеси өтөт

31-августта Бишкектеги Курманжан датканын эстелигинин алдында “Балама жомок” аттуу китеп жарманкеси өтөт.

Маданият, маалымат, спорт жана жаштар саясаты министрлигинен билдиргендей, жарманке саат 14:00дө башталып, анда сынактар, табышмак-викторина, презентация жана мастер-класстар орун алат.

Балдарды китепке жакындатуу, сүйдүрүү үчүн “Биринчи китебим” аттуу мастер-класс, жомок боюнча табышмак-викторина, ата-энелер үчүн “Жомок айткан ата-эне” номинациялары боюнча конкурс уюштурулат.

Ошондой эле Касымалы Баялинов атындагы китепкана тарабынан куурчак театр, трафарет менен сүрөт тартуу, “Куликовский” кондитер үйү тарабынан “Жомок каармандарын жасоо” мастер-классы уюштурулат. Улуттук оюндарды жайылтуу максатында “Биринчи упай оюну” упай эрежелери боюнча мастер-класстар өтөт.

Автор: Каныкей Амантаева
Фото: Интернеттен алынды