Бишкекте Улуу Ата Мекендик согуштун эки ардагерине батир берилди

Бишкекте Улуу Ата Мекендик согуштун ардагерлери Аспек Жумашев менен Асек Урманбетовго батир берилди. Бул тууралуу калаа мэриясы маалымдады.

Билдирүүгө караганда, батирлердин сертификаттарын кечээ, 31-августта шаар мэри Айбек Жунушалиев тапшырган.

Маалыматта ардагерлердин турак жай маселеси көп жылдар бою чечилбей келген белгиленген.

"Ушул жылдын 9-майында Айбек Жунушалиев Улуу Ата Мекендик согуштун ардагерлеринен кабар алып жатып, маселени тез арада чечүүгө даяр экенин билдирген. Президент Садыр Жапаровдун чечими менен ардагерлер Аспек Жумашевге 2 бөлмөлүү батир, Асек Урманбетовго «Жал» кичи районунан 3 бөлмөлүү батир берилди" деп жазылат маалыматта.

Автор: Айжанар Рыспек кызы
Фото: Бишкек мэриясы