Военно-Антоновкада ойногону чыккан 7 жаштагы Амир дайынсыз жоголду

Сокулук районунда 2017-жылы туулган Нуркайыпов Амир аттуу бала изделүүдө. Бул тууралуу бүгүн, 2-сентябрда Чүй ОИИБинен билдирди.

Маалым болгондой, 1-сентябрь күнү милицияга Военно-Антоновка айылынын тургуну арыз менен кайрылган. Ал уулу ошол эле күнү саат 16:20 чамасында үйдөн ойногону чыгып кеткен боюнча кайтып келбегенин айткан.

Бул факты каттоого алынып, издөө иштери башталган.

Өзгөчө белгилери: бою 110-120 сантиметр, үстүндө боз түстөгү футболка, кара шорта, бутунда жеңил жайкы бут кийим.

Милиция Амирди көргөндөр болсо кабарлап коюуну өтүнөт. Байланыш номурлары: 0313 45-33-80, 0312 60-75-67.

Автор: Кылымбек Бейшеев
Фото: Чүй ОИИБ