Бишкекте курулуш материалдарын саткан контейнер материалдары менен кошо өрттөнүп кетти (фото)

Бишкек шаарынын Тоголок Молдо көчөсүндө жайгашкан эшик жана курулуш материалдарын саткан контейнерден чыккан өрт өчүрүлдү. Бул тууралуу бүгүн, 2-сентябрда Өзгөчө кырдаалдар министрлиги билдирди.

Маалыматка ылайык, ӨКМге өрт чыкканы тууралуу маалымат 1-сентябрь күнү саат 21:30дар чамасында түшкөн. Көрүлгөн аракеттердин натыйжасында тилсиз жоо 2-сентябрга караган түнү саат 00:14тө толук өчүрүлгөн.

"Өрттү өчүрүүгө жалпы 3 күжүрмөн эсеп, 1 суу ташуучу унаа жана штаб тартылды. Тилсиз жоонун жалпы аянты болжол менен 300 чарчы метрди түзөт", - деп айтылат маалыматта.

Министрлик өрттүн кесепетинен жабыркагандар жок экенин белгиледи.

Автор: Кылымбек Бейшеев
Фото: ӨКМ