Ошто Honda Fit унаасы кырсыкка кабылып, 21 жаштагы кыз каза болду

Ош шаарында Honda Fit үлгүсүндөгү унаа кырсыкка кабылып 21 жаштагы кыз каза болду. Бул тууралуу маалыматты бүгүн, 2-сентябрда шаардык жол кыймылынын коопсуздугун камсыздоо башкармалыгынын басма сөз кызматынан тастыктады.

Кырсык 31-августтан 1-сентябрга караган түнү болгон. Анда Масалиев көчөсү менен бара жаткан автокөлүк жол четиндеги бетонду сүзгөн. Кырсыктын кесепетинен оор жаракат алган 3 жарандын бири ооруканага жетпей каза болгон.

Башкармалыктан учурда тиешелүү экспертизалар дайындалып, текшерүү иштери жүрүп жатканын кошумчалады.

Автор: Кылымбек Бейшеев
Фото: Иллюстрациялык сүрөт