Жалал-Абад шаарында ири өрт кырсыгы катталды

Жалал-Абадда ири өрт кырсыгы катталып, алдын ала маалыматтар боюнча жабыркагандар жок. Бул туурасында бүгүн, 3-сентябрда ӨКМдин маалымат борбору билдирди.

Маалымдалгандай, Молдомуса Конгантиев айыл аймагына караштуу Жапалак айылындагы сарайдан өрт чыккандыгы тууралуу маалымат 2-сентябрда саат 20:32де түшкөн.

"Өрттү өчүрүүгө Жалал-Абад шаары боюнча №20 ӨККБдан 1 күжүрмөн эсеп тартылган. Тилсиз жоонун көлөмү чоң болгондуктан жардамга кошумча 2 күжүрмөн эсеп жана мындан сырткары шаардын өзгөчө кырдаалдар бөлүмүнүн башчысы, майор Маматкулов баштаган ыкчам топ жөнөтүлгөн. Өрт кырсыгы 22:50дө курчоого алынган", - деп айтылат маалыматта.

Учурда кырсыктын келип чыгуу себептерин аныктоо жана келтирилген чыгымдарды эсептөө иштери жүрүп жаткандыгы кошумчаланды.

Автор: Замира Ниязбекова