Баткендеги айылда 18 жаштагы келин дайынсыз жоголду

Кадамжай районунун 18 жаштагы Шарипжан кызы Хадича аттуу тургуну дайынсыз болууда. Бул тууралуу бүгүн, 3-сентябрда Баткен ОИИБинен билдирди.

Маалыматка ылайык, 1-сентябрь күнү Кадамжай районунун Айрыбаз айылынын 31 жаштагы тургуну милицияга кайрылып, 2006-жылы туулган аялы Көн айылынан белгисиз тарапка кеткен боюнча дайыны жок болуп жаткандыгын айткан.

Белгилери: бою 160-165 сантиметр, орто дене түзүлүштө, чачы, кашы-көзү кара түстө.

Кийген кийимдери: башында жоолук, үстүндө ак түстөгү көйнөк жана жеңи кыска узун камзир, бутунда ак түстөгү бут кийим.

Милиция Хадичанын жүргөн жери боюнча маалыматы бар жарандарды кабарлап коюуну өтүнөт. Байланыш номурлары: (03655) 5-02-29 , 0776-85-10-10.

Автор: Кылымбек Бейшеев
Фото: Баткен ОИИБ