Бишкекте таңга жуук 23 жаштагы жигит бычакталган. Милиция анын досун кармады

Бишкекте теңтушун бычактаганга шектелип 23 жаштагы жаран кармалды. Бул тууралуу бүгүн, 4-сентябрда Ленин РИИБинен билдирди.

Маалыматка ылайык, 3-сентябрда милицияга К.Ж. аттуу жаран арыз менен кайрылган. Ал ошол эле күнү болжол менен саат 05:30дар чамасында Жумушчулар шаарчасынан баласы теңтушу тарабынан бычакталганын айткан.

Бул факт боюнча Кылмыш-жаза кодексинин 130-беренесинин (Денеге оор залал келтирүү) негизинде кылмыш иши козголгон.

Шектүү катары 2001-жылы туулган С.Ж. аттуу жаран кармалып, убактылуу кармоочу жайга киргизилди.

Учурда тергөө иштери уланууда.

Автор: Кылымбек Бейшеев
Фото: Ленин РИИБ