Бишкекте 55 жаштагы аял ири алдамчылыкка шектелип кармалды

Бишкек шаарында ири алдамчылыкка шектелип 55 жаштагы жаран кармалды. Бул тууралуу бүгүн, 16-сентябрда Октябрь РИИБинен билдирди.

Маалыматка ылайык, 25-август күнү милицияга Э.Э. аттуу жаран арыз менен кайрылган. Ал 20-апрелде Б.Л. аттуу аял "көп кабаттуу үйлөрдүн биринен батир сатам" деп 70 миң доллар турган Range Rover Velar, 35 миң долларлык Lexus ES 350 үлгүсүндөгү унааларын жана 16 миң 500 долларын алып, из жашырып кеткенин айткан. Натыйжада жабырлануучуга 12 миллион 415 миң сом зыян келтирилген.

Бул факты боюнча Кылмыш-жаза кодексинин 209-беренесинин (Алдамчылык) негизинде кылмыш иши козголгон.

Шектүү катары 1969-жылы туулган Б.Л. аттуу жаран кармалып, убактылуу кармоочу жайга киргизилди.

Учурда анын ушул сыяктуу кылмыш фактыларын жасоого катыштыгы бар экендиги аныкталууда.

Автор: Кылымбек Бейшеев
Фото: Октябрь РИИБ