Ошто баңгизат менен алектенген шектүү кармалды (видео)

Кара-Суу районунда мыйзамсыз баңгизат сатууга шектелип 30 жаштагы жаран кармалды. Бул тууралуу Ош ОИИБинен билдирди.

Маалыматка ылайык, милицияга М. аттуу жаран мыйзамсыз баңгизат сатып жүргөндүгү тууралуу маалымат түшкөн. Бул факты каттоого алынып, тергөөгө чейинки текшерүү иштери башталган.

Чогултулган материалдар боюнча Кылмыш-жаза кодексинин 282-беренесинин (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) негизинде кылмыш иши козголгон.

Шектүү катары Кара-Суу районунун 1994-жылы туулган М.уулу М. аттуу тургуну кармалып, бир айга камакка алынды. Ошондой эле анын жанынан табылган затка дайындалган соттук-химиялык экспертиза алынган заттар гашиш жана опиум экендигин аныктады.

Учурда тергөө иштери уланууда.