Садыр Жапаровдун учагы Астана аэропортуна конду

Президент Садыр Жапаров бүгүн, 17-сентябрда Астана шаарына расмий сапары менен барды. Өлкө башчыны аэропорттон Казакстандын премьер-министринин орун басары Галымжан Койшыбаев тосуп алды.

Мамлекет башчысынын администрациясы билдиргендей, Жапаров Борбор Азия мамлекет башчылары менен Германиянын Федералдык канцлеринин экинчи жолугушуусуна катышат.

Эскерте кетсек, сапардын алкагында президент Борбор Азия өлкөлөрүнүн президенттеринин Германия Федеративдүү Республикасынын (ГФР) ишкерлери менен жолугушуусуна катышат. Ошондой эле Германиянын бизнес коомчулугу менен өзүнчө жолугушуу жана ГФРдин Федералдык канцлери Олаф Шольц менен эки тараптуу сүйлөшүүлөрдү өткөрөт.

Автор: Айжанар Рыспек кызы
Фото: президенттин администрациясы