Баткенде 5 айдан бери издөөдө жүргөн жаран Бишкектен кармалды

Баткенде соттун өкүмүн аткарбай качып жүргөн жаранга издөө жүргүзүлүп, ал Бишкек шаарынан кармалып келди. Бул тууралуу бүгүн, 17-сентябрда облустук милициядан билдирди.

Маалыматка ылайык, Айдаркен шаарынын 40 жаштагы С.А. аттуу тургунуна Кылмыш жаза кодексинин 370-беренесинин (Соттун өкүмүн, соттун чечимин же башка соттук актыны аткарбоо) негизинде иш козголуп, апрель айында издөө жарыяланган.

Ыкчам иликтөө иш-чараларынын алкагында, шектүү С.А.нын жүргөн жерин аныктап, Бишкек шаарынан кармалды.

Учурда тергөө иштери уланууда.

Милиция шектүүгө карата мурда кайсы иш боюнча сот өкүмү чыкканын тактаган эмес.

Автор: Бек Оморбеков