Ысык-Көлдөгү зордукталган 9 жашар кызды коомдук фонд коргоого алды

«Балдардын укугун коргоочулар лигасы» коомдук фондунун директору Назгүл Турдубекова жактоочу Индира Саутова менен биргеликте Ысык-Көл облусунун Жети-Өгүз районунда зордукталган 9 жаштагы кызды коргоого алды. Бул туурасында кечээ, 17-сентябрда фонддун маалымат кызматы билдирди.

Маалымдалгандай, буга чейин кыздын апасы жардам сурап, аталган фондго кайрылган.

“Жабыркаган кызды коргоону натыйжалуу уюштуруу үчүн биздин фонд президенттин Ысык-Көл облусундагы ыйгарым укуктуу өкүлү менен дайыма байланышта”, - деп калтырган билдирүүсүндө.

Белгилей кетсек, 9-сентябрда Жети-Өгүз РИИБине 9 жаштагы кызды эки киши зордуктаганы тууралуу арыз түшкөндүгүн айткан. Ага байланыштуу эки жаран кармалып, ИИМ ишти жеке көзөмөлүнө алган.

Автор: Замира Ниязбекова