Армения төңкөрүш аракети токтотулганын билдирди (видео)

Армениянын бийлиги өлкөнүн бир нече жарандары жана Тоолуу Карабахтын тургундары даярдап жаткан куралдуу төңкөрүштү жана бийликти басып алуу аракетин алдын алды. Бул тууралуу чет элдик басылмалар жазышууда.

Анда Армениянын Улуттук коопсуздук кызматынын кызматкерлери жети адамдын өздүгүн аныкташкан. Алардын айтымында, аларга 220 миң рублга Орусияда үч айлык стажировкадан өтүү сунушталган. Анда алар куралды колдонгонду үйрөнөт.

Ал эми Армениянын Тергөө комитетинин маалыматы боюнча, алар өлкөгө кайтып келгенден кийин күжүрмөн кызмат өтөшү керек болчу. 2024-жылы алар Армениянын бир катар жарандарын жана Тоолуу Карабахтын мурдагы тургундарын даярдашкан.

"Алар ар кандай топтор менен Орусиянын Ростов-на-Дону шаарына барышкан. Андан кийин алардын Орусиядагы шериктери башка жакка которулуп, алдын ала текшерүүдөн, анын ичинде полиграфтан өтүшү керек болчу. Алардын жеке өзгөчөлүктөрүн жана саясий көз караштарын, ошондой эле Армениянын укук коргоо органдары менен байланышын аныкташ керек эле", - деп билдирген Тергөө комитети.

Ошондой эле комитет аталган топко машыгуунун максаты Арменияга кайтып келүү жана азыркы бийликти кулатып, Арменияны тазалоого чакырышкандыгын кошумчалаган.

Армениянын коопсуздук күчтөрү жүргүзгөн операциянын натыйжасында жети киши кармалып, алардын үчөө камакка алынып, дагы төртөө издөөгө алынган.