Казакстанда ММА мушкеринин сөөгү таштанды контейнеринин жанынан табылды

Казакстандын Актау шаарынын 3-кичи районунда ММА мушкери Вусал Жафаровдун сөөгү табылды. Бул тууралуу казак басылмалары жазышууда.

Анын сөөгү 20-сентябрда таштанды контейнерлеринин жанынан табылган. Жансыз денеси бузулуп, толугу менен шишип, карарып кеткен.

Бул маалыматты Актау РИИБинен тастыктаган.

"Табылган эркектин жансыз денесине соттук териштирүү иштери башталды", - деп айтылат маалыматта.

Ал эми социалдык тармактын колдонуучулары Жафаров сабалып, анын сөөгү бир нече күн көчөдө жатканын айтышууда.

Ачык булактардын айтымында, Вусал Жафаров 1994-жылы 10-январда туулган. Ал өзүнүн профессионалдык карьерасын 2015-жылы баштаган. Ал төрт беттеш өткөрүп, бирөөсүн жеңип, үчөөндө жеңилген.