Видеобайкоого түшүп калган. Бишкекте телефон уурдаган делип 34 жаштагы шектүү кармалды

Бишкек шаарында жайгашкан соода түйүндөн телефон уурдоого шектелип 34 жаштагы жаран кармалды. Бул тууралуу бүгүн, 27-сентябрда Ленин РИИБинен билдирди.

Маалыматка ылайык, 24-сентябрда милицияга Ю.М. аттуу жаран арыз менен кайрылган. Ал 11-сентябрь күнү болжол менен саат 09:30 чамасында белгисиз адам соода түйүндөрүнүн биринен баасы 16 миң сом турган Redmi note 13 pro үлгүсүндөгү телефонду уурдап кеткенин айткан.

Бул факты боюнча Кылмыш-жаза кодексинин 205-беренесинин (Уурдоо) негизинде кылмыш иши козголгон.

Шектүү катары 1990-жылы туулган О.Э. аттуу жаран кармалып, убактылуу кармоочу жайга киргизилген. Тергөөдө анын ушул сыяктуу дагы башка кылмыштарга катыштыгы бар экендиги аныкталган.

Учурда тергөө иштери уланууда.