Бүгүн Бишкектин бир бөлүгүндө суу болбойт

Бүгүн, 8-октябрда оңдоо иштерине байланыштуу Бишкектин бир бөлүгүндө ичүүчү суу токтотулат. Бул тууралууу калаа мэриясы кабарлады.

Маалыматка ылайык, турак үйлөрдө, мектептерде, балдардын мектепке чейинки уюмдарында, саламаттык сактоо объекттеринде жана башка социалдык-тиричилик багыттагы жана өнөр жай объекттеринде саат 9:00дөн 24:00гө чейин суу болбойт.

Өчүрүү төмөнкү көчөлөрү менен чектелет:

Лев Толстой, Бакаев, Алтымышев, Жунусалиев, Гагарин, Муромский, Циалковский, Фрунзе, Өмүр, Алыкулов, Ахунбаев, Көк-Жайык, Гагарин, Торугарт көчөлөрүндө.

Ошондой эле Рабочий Городок, Институт Землиделия, Ак-Өргөө, Ак-Ордо жана Теңир-Тоо конуштарында.

Автор: Бурул Турусбекова