Өлкөгө Армениядан мыйзамсыз ташылып келинген унаалар аныкталды

Кыргызстандын "Түндүк-Чыгыш" бажы кызматы өлкөгө мыйзамсыз ташылып келген автоунааларды аныктады. Бул туурасында мамлекеттик мекеменин маалымат кызматы билдирди.

Маалымдалгандай, 24-сентябрда Армениянын мамлекеттик каттоо белгиси менен келе жаткан "Lexus RX 400H" жана "Mercedes-Benz Viano" үлгүсүндөгү унаа каражаттары токтотулуп текшерилген.

"ЕАЭБ өлкөлөрүнүн аймагында, жогоруда аталган автоунаа каражаттары бажы жол-жоболоруна жайгаштырылгандыгы тууралуу маалымат жок экендиги тастыкталган. Автоунаалар убактылуу унаа токтоочу жайга жайгаштырылган. Жалпысынан мамлекеттик бюджетке 3 миллион 235 миң 740 сом зыян келтирилген", - деп айтылат маалыматта.

Чогултулган материалдар Башкы прокуратурасына өткөрүлүп берилгендиги маалыматта кошумчаланган.

Автор: Замира Ниязбекова