Араванда 11,3 миллион сомдук жер тилке мамлекетке алынды (видео)

Ош облусунун Араван районундагы 11,43 гектар жер аянты мамлекеттин менчигине алынды. Бул тууралуу Башкы прокуратура билдирди.

Маалыматка ылайык, Араван райондук сотунун 2007-жылдагы чечими менен Юсупов айыл аймагынын Мончок-Тепе участогунда жайгашкан жер тилке Р.Н.нын жеке менчигине мыйзамсыз берилип кеткен. Кийин 2013-жылы аталган жер тартуулоо келишиминин негизинде башка жарандын менчигине өткөрүлүп берилген.

Мындан улам Араван райондук прокуратурасы апелляциялык сунуш келтирип, анын негизинде райондук соттун мурунку чечими жокко чыгарылган.

Ошондой эле прокуратура тарабынан соттун мурунку тартуулоо келишимин дагы жокко чыгаруу доо арызы келтирилген. Натыйжада жайыт категориядагы баасы 117 миллион 360 миң сомду түзгөн жер тилке мамлекеттин менчигине кайтарылды.