"5500 сом". Бишкекте таксинин жүргүнчүсүнө таштанды ыргытканы үчүн айып салынды (видео)

Бишкекте Honda Jaz үлгүсүндөгү унаанын терезесинен жүргүнчү көчөгө таштанды ыргыткан видео социалдык түйүндөргө тарап, жарандардын талкуусуна алынган.

Ага ылайык, Бишкек шаарынын Муниципиалдык инспекциясы Милициянын кайгуул кызмат башкармалыгы менен биргеликте ыкчам иликтөө иштерин жүргүзүп, натыйжада унаанын айдоочусун жана таштанды ыргыткан жарандын өздүгүн аныктады.

Белгилей кетсек, К.К. аттуу жүргүнчү унаанын арткы терезесинен таштанды ыргытканын моюнуна алды.

Муниципалдык инспекция тарабынан Укук бузуулар жөнүндө кодекстин 115-беренесинин 1-бөлүгүнө ылайык протокол түзүлүп, 5500 сом суммасында айып пул салынды.