Бишкектеги мушташта бир адам бычакталган. Шектүү кармалды

Бишкек шаарында "Денеге оор залал келтирүү" беренеси боюнча шектелген жаран кармалды. Бул тууралуу Свердлов РИИБинен билдирди.

Маалыматка ылайык, кечээ, 8-октябрда милицияга Осмонкул менен Токтогул көчөлөрүнүн кесилишинде мушташ болуп, бир адам бычакталганы тууралуу билдирүү түшкөн.

Бул факты боюнча Кылмыш-жаза кодексинин 130-беренесинин (Ден соолукка оор залал келтирүү) негизинде кылмыш иши козголгон. Шектүү катары 37 жаштагы жаран кармалып, убактылуу кармоочу жайга киргизилген.

Учурда тергөө иштери уланууда.

Автор: Кылымбек Бейшеев
Фото: Свердлов РИИБ