Токтогул шаарында унаа бакты сүзүп, айдоочу каза тапты

Токтогул шаарындагы жол кырсыгы бир адамдын өмүрүн алды. Бул маалыматты бүгүн, 10-октябрда Жалал-Абад облустук жол кыймылынын коопсуздугун камсыздоо башкармалыгынан билдиришти.

Маалыматка ылайык, кырсык 2-октябрь күнү саат 06:40 чамасында болгон. Анда 19 жаштагы жаран Mercedes-Benz үлгүсүндөгү унаасын айдап бара жатып, рулду башкара албай жолдун четиндеги бакты сүзгөн. Айдоочу окуя болгон жерден каза болгон. Ал эми 19 жаштагы шаар тургуну менен 25-30 жаш чамасындагы кыз оор абалда Токтогул райондук ооруканасынын жандандыруу бөлүмүнө жаткырылган.

Кайгуул кызматы учурда кыздын өздүгү такталып жатканын кошумчалады.

Автор: Кылымбек Бейшеев
Фото: Иллюстрациялык сүрөт