Чуй милициясы мейитканада жоголгон жансыз дене боюнча кылмыш ишин 2 айдан кийин козгоду

Чүй облустук милициясы Канттагы мейитканада жоголгон жансыз дене боюнча 3 айдан кийин кылмыш ишин козгоду. Бул туурасында облустук милиция кызматы кабарлады.

Айта кетсек,кечээ, 11-октябрда Жогорку Кеңештеги “Элдик” депутаттык тобу жана “Альянс” парламенттик фракциясынын биргелешкен жыйынында депутат Акбөкөн Таштанбеков Жалал-Абаддын тургуну инисинин сөөгүн моргдон таппай калгандыгын айткан.

Чүй обустук милициясына 9-августта өлүкканадан жансыз дене жоголгону боюнча Ысык-Ата районунун соттук-медициналык эксперти Ш.К. атту жаран кайрылган. Анын негизинде 8-октябрда "Кызматтык абалынан кыянтаттык менен пайдалануу" беренеси боюнча кылмыш иши козголгон.

Учурда кылмыш иши боюнча Ысык-Ата райондук сотуна эксгумация жүргүзүү өтүнүчү менен арыз берилген. Учурда тергөө иштери уланууда.

Тергөөнүн жыйынтыгы менен кылмыш жасаган адамдардын аракетине юридикалык баа берилип, иш боюнча КР Кылмыш-жаза кодексинин талаптарына ылайык процессуалдык чечим чыгарылат.

Автор: Замира Ниязбекова