Бразилияда истребитель турак үйлөргө жакын жерге кулап түштү

Бразилиянын Аскердик аба күчтөрүнө таандык F-5M истребители авиабазанын жанында машыгуу учуу учурунда кырсыкка учурап, учкуч аман калган. Бул тууралуу чет элдик басылмалар жазышууда.

Окуя 22-октябрда Риу-Гранди-ду-Норти штатындагы Парнамирима шаарына жакын жайгашкан Бразилиянын аскердик аба күчтөрүнүн Натал авиабазасына жакын жерде болгон.

Учак Парнамириманын турак жайларына жакын токойлуу аймакка кулап түшкөн. Учкуч учакты турак жай имараттары жок аймакка учурууга жетишкен. Учкуч учактан чыгууга жетишип, истребитель кулагандан кийин өрт чыккан.

O Globo агенттигинде "учактын кыйрашына мотордогу көйгөйлөр себеп болушу мүмкүн" деп жазылган.

"F-5M учагы 1973-жылы сатылып алынган" деп билдирет CNN Brasil өлкөнүн Аскердик аба күчтөрүнө шилтеме берүү менен.